01-04-2018 ஸ்ரீ மஹா கணபதி ஹோமம்

ஸ்வாமி சரணம்,

01-04-2018 அன்று நடந்த ஸ்ரீ மஹா கணபதி ஹோமம் இறைவன் அருளால் இனிதே முடிந்தது.

வந்தவர்கள் எல்லோருக்கும் ஒரு ஆத்ம திருப்தியுடன் வீடு சென்றதை உணர முடிந்தது.

வரும் 27-மே-2018 கும்பாபிஷேகத்துக்கு இன்னும் உத்வேகத்துடன் உற்சாகத்துடன் திருப்பணி செய்ய உள்ளூர் மக்கள் தயாராக உள்ளனர்.

உத்தர சபரிமலை என்று ஸ்ரீ மஹாரண்யம் முரளிதர குருஜி சொன்னது தெரியாமல் தானாகவே இந்த கோவிலுக்கு இந்த பெயரிட்டு மகிழ்ந்தார் ஐயப்ப குருநாதர் திரு கல்யாண் ஜி, மகா கணபதி ஹோமத்திற்கு வருகை தந்த ஆன்மீக அன்பர்களும் இதை கேட்டு இன்ப வெள்ளத்தில் திளைத்தனர்.

காஞ்சி பெரியவர் 2012 வருடம் சொன்ன அருள்வாக்கு "ஐயப்பன் ஏற்கனவே வேப்பம்பட்டு வந்துட்டான். போ. போய் க்ஷேமமா கோவில் கட்டும் வேலைகளை கவனி" என்று சொல்லி கோவில் கட்ட இடம் அமைத்து கொடுத்த முன்னாள் ஊராட்சி மன்ற தலைவருக்கு ஏலக்காய் மாலையை பிரசாதமாக அளித்தார். ஏனோ தெரியவில்லை, நேற்று மந்திரங்கள் சொல்லும்போது திரும்ப திரும்ப வந்த வார்த்தை "ஜீரணோத்தாராண". ஒருவேளை ஐயப்பன் ஏற்கனவே வந்து விட்டதால் ஐயப்பனே இப்படி சொல்ல வைத்தாரோ? எது எப்படியோ, எல்லாம் அவன் செயல். அவனின்றி ஓர் அணுவும் அசையாது. ஐயப்பன் தான் இந்த அக்ஷரத்தையும் உச்சரிக்க வைத்தார் என்பதில் சந்தேகம் சிறிதளவும் இல்லை.

ஸ்வாமியே சரணம் ஐயப்பா!!!